VIOLENCIA Y SANIDAD DIXITAL.indd - Concellería de Igualdade

386
O esquema do cine romántico
1.Encontro inesperado e namoramento
repentino.
2.Aparición de dificultades.
3.Loita para vencer os obstáculos.
4.Desenlace final en matrimonio.
5.Entre ela e el hai diferenzas económicas
e de status social.
Existen unha serie de publicacións,
cine e outros produtos dos
medios de comunicación dirixidos
ao público adolescente fundamentalmente
feminino que teñen un
discurso centrado en catro grandes
eixes: beleza, amor, fogar e
sexualidade. Un resumo dos seus
contidos podería ser este: muller, o
teu obxectivo vital é potenciar o teu
físico para atopar o amor da túa
vida que colmará as túas expectativas
e que te ha axudar a crear
unha marabillosa familia.
Mediante unha linguaxe moderna
e maquillada, as mozas incorporan
e aceptan un discurso simplificado
das relacións afectivas, cuxo maior
problema é darnos unha percepción
da realidade distorsionada
pero que acaba sendo asumida
como posible en na vida cotiá.
As revistas para mozas e o cine romántico
ofrecen mercadorías simbólicas
de gran valor que, para o tema
que nos ocupa, transmiten unha visión
trasnoitada e un valor engadido
ao feito de conseguir parella.
O tema do amor é un elemento
fundamental para soster a socialización
diferencial de homes e mulleres.
Na época adolescente ese
discurso é especialmente intenso,