VIOLENCIA Y SANIDAD DIXITAL.indd - Concellería de Igualdade

para non perder aquilo que fundamenta
a súa vida: o amor.
Condenar a paixón en bloque sería
querer suprimir un dos aspectos da
nosa creatividade e da nosa historia.
Ademais de imposible é unha
tarefa titánica. Debemos alertar,
previr, analizar, illar a paixón, desmontala,
se se quere, para observala
e coñecer mellor as súas
propiedades. Facernos máis conscientes
deste proceso fainos máis
libres e falar da utopía achéganos
máis a ela e ás súas posibilidades,
á busca de relacións alternativas
ao modelo dominante, de maior
calidade, máis plásticas e que nos
aforren sufrimento.
A experiencia profesional e tamén
persoal dinos que quen dá moita
importancia á súa vida amorosa
en detrimento doutros aspectos
vitais sofre máis, subscrí-
bese antes ao sufrimento como
meta, en comparanza con aquelas
persoas que mostran menos interese
polo campo sentimental e que
ponderan na súa xusta medida a
vivencia do amor.
Precisaríamos educar as novas
xeracións nunha análise máis crítica
deste modelo amoroso e estaría
mellor facerlles formulacións
máis realistas sobre a arbitrariedade
da elección amorosa. Deberíamos
entender que non hai ninguén no
mundo que poida colmarnos definitiva
e eternamente, que os afectos
son múltiples, de diferente pelame e
complexidade, que o amor non pode
basearse en renuncias e sacrificios e
que nunca deberiamos abandonar
a nosa individualidade, os nosos
proxectos persoais, o noso espazo
propio en aras do amor 9 .
9. Pilar Sampedro (2004): El mito del amor y sus consecuencias en las
relaciones de pareja. Madrid, Página Abierta, nº 150
A AUTOESTIMA E O AMOR COMO FONTES DE SAÚDE
377