VIOLENCIA Y SANIDAD DIXITAL.indd - Concellería de Igualdade

de amargura, sufrimento e dano
físico e psíquico.
Como explicar a persistencia do
amor ou a relación nestes casos?
Como se pode amar a quen
te mortifica e anula? Non é unha
cuestión de irracionalidade e negámonos
a crer que as persoas,
sobre todo as mulleres, que viven
estas situacións, son parvas, masoquistas
ou descerebradas. É importante
que comecemos a analizar
eses amores patéticos e cheos
de sufrimento, sacrificios persoais
e renuncias, sobre todo, cando
en maior ou menor medida, moitas
persoas viven ou soportan nas
relacións de parella algunha que
outra humillación, falta de respecto
polas propias opcións ou opinións,
limitacións á liberdade, algún que
outro desprezo, presións para facer
isto ou o outro, chantaxes e imposicións.
As mulleres que “aman demasiado”,
aquelas que buscan o
amor romántico obstaculizado
pola elección de persoas difíciles,
agresivas ou controladoras
teñen máis posibilidades de vivir na
violencia, consentila e permanecer
nela porque esa relación é a que
dá sentido á súa vida.
Unha das características que teñen
todas as historias relatadas
por mulleres que sofren maltrato
é precisamente esa descontinuidade
na relación. Non son historias
afectivas temperadas polos anos,
senón que aparecen sempre intervalos
de paz e dor, fases de “lúa de
mel” entre os episodios de maltrato:
hoxe maltrátote e mañá ámote
máis que á miña vida, “sen ti non
son nada”, “perdóame, quérote”;
todo iso acompañado de mostras
extraordinarias de coidados e cariño
ata a próxima escena. Déuse-
A AUTOESTIMA E O AMOR COMO FONTES DE SAÚDE
375