VIOLENCIA Y SANIDAD DIXITAL.indd - Concellería de Igualdade

90% das persoas enquisadas manifestan
que non se casarían con
alguén do que non se sentisen namoradas:
Como se consolida o matrimonio
en sociedades non utilitaristas e librepensadoras?
Uníndoo á paixón.
O que non parece que aprendamos
é que o amor novelesco triúnfa
sobre gran cantidade de obstáculos,
pero hai un contra o que se
estrelará sempre: a duración. Sen
a idealización do amor paixón
é bastante probable que os nosos
escépticos e cada vez máis laicos
mozos non se unisen nin polo civil
nin pola igrexa para crear unha
familia. En todo caso, terían máis
claro un matrimonio de conveniencia
para pagar o piso ou a luz a
medias. Construír unha célula económica
ou ter descendencia é máis
unha cuestión de contrato e non
tanto unha unión romántica ou
de paixón. Descubrir esta trampa,
analizala e asumila xera bastante
confusión nas nosas vidas, algunhas
dificultades, frustración e moitas
consultas psicolóxicas. O que
máis esquizofrenia produce nas
parellas é que a paixón arruína a
idea mesma de matrimonio precisamente
cando se lles presenta
como sustentadora e motivadora
do mesmo.
Para falar desta ideoloxía do amor
ou construción social do mesmo
podémonos remitir a un sociólogo
e historiador suízo 6 e ao seu ensaio
O amor e occidente. Para Denis
de Rougemont a cultura occidental
a través da súa lírica preséntanos
un modelo amoroso que ten unha
serie de características: a idea do
amor presupón o gusto polas desgrazas,
polos amores imposibles
6. De Rougemont, Denis (1979): El amor y occidente. Barcelona, Kairós
A AUTOESTIMA E O AMOR COMO FONTES DE SAÚDE
369