VIOLENCIA Y SANIDAD DIXITAL.indd - Concellería de Igualdade

36
A violencia machista non é unha
realidade fixa nin homoxénea. Hai
moitas formas de exercela e diferente
tipoloxía. O primeiro que aparece,
ou se nos representa, cando se
fala de violencia son as imaxes de
mulleres mortas polo seu compañeiro.
Con toda a gravidade que
supón este feito trátase só da punta
do iceberg. Por cada muller morta
hai moitas golpeadas, insultadas,
menosprezadas, controladas, invisibles
... e ademais, a violencia en
xeral e a de xénero en particular
atravesa todos os ámbitos e todas
as clases sociais. Hai mulleres maltratadas
pobres, sen estudos, nenas,
anciáns, tradicionais, amas de
casa, pero tamén, aínda que resulte
máis difícil de crer, hai mulleres
maltratadas ricas, con traballo fóra
do fogar, mozas, adultas, con estudos,
profesionais e modernas. A
violencia revístese de moitas formas
e ten moitas caras. Sobre isto
hai un amplo desenvolvemento na
parte 3 destes materiais: “Desvelar
a violencia”.
Reflexiona
Imos abordar a primeira cuestión
dende o persoal.
Entre as túas amigas, compañeiras
ou coñecidas, hai algunha que
sufra violencia de xénero dalgún
tipo? Como é a súa vida? Cal é a
súa idade? Como é a súa saúde?
E entre as mulleres da sala, hai
algunha que nalgún momento da
súa vida se teña sentido maltratada?
Como foi ese maltrato?
Poderías diferenciar distintas formas
de maltrato?