VIOLENCIA Y SANIDAD DIXITAL.indd - Concellería de Igualdade

358
Os malestares 3 das mulleres
e as asimetrías da vida cotiá
Hai unha serie de malestares e
queixas que as mulleres non verbalizan
na consulta médica pero
que as enferman e que teñen repercusións
a longo prazo no seu
estado físico e mental. Por iso é
importante preguntar ás nosas pacientes:
Quen está no centro da
vida das mulleres?
As mulleres fomos construídas e
miradas como seres para os demais.
A sociedade edúcanos para
cumprir unha serie de funcións sociais
que implican en numerosas
ocasións perda de autonomía e de
individualidade.
A socialización diferencial de
xénero tradúcese nunha morea de
situacións cotiás ás que as mulleres
están sometidas e que producen
frustración, medo e desesperanza.
Moitos dos síntomas que atendemos
en consulta como depresión e
ansiedade teñen que ver con estes
enfados non verbalizados, con situacións
de sobrecarga e de abuso
da súa persoa.
É importante prestar atención a
todas estas situacións nas que as
mulleres teñen sentimentos de
dor, impotencia, frustración. Moitas
mulleres teñen a impresión de
que non poden controlar o medio
familiar e social no que viven. As
mulleres descobren canta relación
hai entre o que as anoxa, o que as
violenta e as súas propias inseguridades:
medo a non ser queridas
ou valoradas, intento de non causar
malestar aos demais.
3. Isis Internacional e Emerger (1990): El malestar silenciado. La otra
salud mental. Santiago de Chile, Ediciones de las mujeres, Vol.14