VIOLENCIA Y SANIDAD DIXITAL.indd - Concellería de Igualdade

356
•Tómanse decisións que me involucran
sen consultarme.
•Impotencia.
•Situacións de humillación.
•Situacións de estafa da boa fe.
•Situacións de falta de respecto do
meu (espazo, sono, tempo, actividade)
•Situacións onde son ignorada.
•Desvalorízase o meu traballo.
•Descualifícase o meu corpo.
•Maltrátaseme verbal ou fisicamente.
As transgresións femininas
Neste proceso de rexistrar os diálogos
consigo mesma é útil explorar o que
cada muller sente como transgresión
na vida cotiá. Trátase de comportamentos
que traspasan os límites dos
mandatos e prescricións de xénero.
Para iso pídeselles que pensen, e no
posible escriban, cales son as situacións
da vida cotiá que elas recoñecen
como “transgresoras”.
•Marchar da miña casa cando hai
alguén doente se non é para traballar.
•Ir ver as amigas cando o meu
marido está na casa.
•Chegar a casa despois que o
meu marido.
•Ir durmir antes de que chegue o
meu marido e non deixarlle a cea
preparada.