VIOLENCIA Y SANIDAD DIXITAL.indd - Concellería de Igualdade

330
existe unha patoloxía clara), médicos
e médicas tenden a prescribir psicofármacos.
Moitos estudos apuntan
a que as mulleres están a somatizar
nos seus corpos as desigualdades
producidas pola construción de xénero
e as súas condicións de existencia.
Efectivamente, a Organización
Mundial da Saúde alertou sobre o
risco de utilizar psicofármacos para
intentar resolver problemas sociais.
Por outra parte, o excesivo tratamento
médico das mulleres non só se dá
no que fai á receita e consumo de
psicofármacos, senón aos tratamentos
farmacolóxicos no proceso do
ciclo vital feminino. Dado o enfoque
baseado na función reprodutiva
sobre a vida e a saúde das mulleres,
o momento do climaterio tendeu a
ser representado como doenza (síndrome
menopáusica) e, por ende, foi
excesivamente medicalizado.
A idealización da mocidade como modelo
de beleza e de saúde produciu uns
estereotipos discriminatorios que conduciron
á percepción do paso dos anos
como deterioración e perda. Moitos
dos malestares adxudicados á menopausa
débense, en realidade, aos seus
condicionantes sociais e de xénero.
PROFESIÓNS SANITARIAS CON
NESGOS DE XÉNERO
As idades centrais da vida son tamén
o momento de estabilización
e madurez profesional. No informe
analízase por primeira vez a representación
de mulleres e homes nas
profesións sanitarias.
As carreiras universitarias relacionadas
coa saúde están hoxe claramente
feminizadas. No curso 2005-2006,
o 84% dos estudantes de enfermería
eran mulleres. Actualmente, a proporción
de mulleres colexiadas en