VIOLENCIA Y SANIDAD DIXITAL.indd - Concellería de Igualdade

318
sexo, os prexuízos e os desacordos
familiares (por exemplo, os coñecidos
chistes de “sogras”). Ademais,
permite cuestionar ideas dominantes
parodiando certas convencións
sociais ou ideas relixiosas e dogmáticas,
e por suposto aos gobernantes,
que son un branco constante.
No sentido de aliviar tensións e
resentimentos moitas veces empregámolo
para humillar a outras
persoas ou grupos, liberando as
tensións producidas polos prexuízos,
argumentando que só se trata
dunha “broma”. Os chistes machistas,
por exemplo, son unha
resposta á inquietude ou desorientación
que moitos homes están a
experimentar debido aos retos da
igualdade. Pódese dicir outro tanto
dos chistes contra as persoas homosexuais,
contra as minorías étnicas
ou raciais ou contra os inmigrantes.
O humor é un recurso que empregan
as partes implicadas nun conflito
cando non se quere empregar
a confrontación aberta. O chiste
humillante, que fai sentirse ben a
unha categoría de persoas a costa
de outra, presenta ao outro grupo
de forma ridícula como estúpido,
mesquiño, porco, … para suxerir
así que os que non pertencen a esa
categoría non teñen eses defectos.
Naturalmente o grupo agredido
non soe quedar atrás.
•] Actividade
Apunta chistes sexistas que lembres
nos que se ridiculice aos homes ou
ás mulleres.