VIOLENCIA Y SANIDAD DIXITAL.indd - Concellería de Igualdade

A masculinidade hexemónica
A antropóloga norteamericana Myriam
Miedzian 8 , comenta que aínda aceptando
que as mulleres poden ser violentas,
o 89% dos delitos violentos son
cometidos por homes, que un millón oitocentas
mil mulleres ao ano son maltratadas
fisicamente en EEUU polos
seus maridos ou noivos, e que
as guerras sempre foron, e aínda
son, levadas a cabo polos homes.
A mesma autora emprega a estratexia
de darlle a volta á situación
para facela comprensible cando di:
“imaxinemos a reacción se preto
do 90% de todos os delitos violentos
fosen cometidos por mulleres;
se os titulares dos xornais trouxeran
regularmente noticias sobre mulleres
que odian aos homes tanto que
deixan tras de si homes asasinados,
de mulleres que levadas por
8. Miedzian, Miriam (1995): Chicos son hombres serán. Cómo romper
los lazos entre masculinidad y violencia. Madrid, Horas y horas.
un ataque de celos asasinan aos
seus exmaridos e aos seus fillos, de
grupos de mulleres que se mataran
entre si en pelexas de bandas
rivais”.
A autora considera que a violencia
masculina xera tolerancia social e
non se percibe como un problema
que hai que solucionar no comportamento
dos homes porque se trata
dunha conduta que goza da lexitimidade
de quen ocupa a posición
de grupo dominante.
Actualmente as identidades masculina
e feminina están sometidas
a un proceso profundo de transformación.
Somos conscientes do que
non nos gusta do modelo tradicional,
pero aínda non temos claro un
modelo alternativo. Esta situación
está a ser estudada desde diversos
campos científicos.
DO MAL TRATO AO BO TRATO
303