VIOLENCIA Y SANIDAD DIXITAL.indd - Concellería de Igualdade

Analiza os datos da gráfica:
•Cres que esta situación implica
unha perda de dereitos ou maior
vulnerabilidade das mulleres?
•Consideras que as mulleres que
actualmente son anciás padecen
unha dobre discriminación por no
ter pensión de seu?
•O feito de carecer de pensión
ten que ver con terse dedicado ao
coidado dos fillos ou netos?
•Coidar dos demais para que poidan
estar en condicións de “producir”
non é traballo?
Actualmente moitas mulleres teñen
que vivir coa pensión do home ou
cunha non contributiva como se non
tiveran “producido” nada na súa vida
e polo tanto a sociedade failles un
“regalo” cando lles permite cobrar
unha destas pensións.
A dobre xornada
Existe a crenza estendida de que
as mulleres que traballan na casa
“non traballan”. Non obstante, a
experiencia e os estudos sociolóxicos,
como os de Mª Ángeles Durán
ou Cristina Carrasco indican que
teñen longas xornadas de traballo
sen vacacións, sen horario, sen
fin de semana, etc. As que tamén
traballan fóra afrontan unha dobre
xornada laboral, ... sumada á
discriminación de cobrar salarios
máis baixos polo mesmo traballo,
traballos precarios ou traballos con
pouca autonomía, todo o cal contribúe
a incrementar o nivel de estres
e insatisfacción que normalmente
afecta moito máis as mulleres que
aos homes así como á demanda
de saúde nas nosas consultas.
DO MAL TRATO AO BO TRATO
285