VIOLENCIA Y SANIDAD DIXITAL.indd - Concellería de Igualdade

278
A construción da identidade
de xénero
Tan pronto como nacen mergullamos
as criaturas nun universo azul
ou rosa. Comeza un intenso proceso
de socialización que vai consolidar
en cada persoa a súa identidade
feminina ou masculina.
A psicanálise teoriza sobre o desenvolvemento
desta identidade. Para
Freud, a presenza ou ausencia de pene,
símbolos, respectivamente, da masculinidade
e da feminidade, son cruciais.
Pola súa parte, a psicanalista contemporánea
Nancy Chodorow dálle
a volta a isto e sostén que é a
masculinidade a que se define a
través dunha perda: a ruptura da
estreita unión coa nai.
O neno ten que facerse home distanciándose
do modelo da nai e
diferenciándose del ata negalo,
pois ser home é, sobre todo, non
ser muller. Así pois, a maternidade
ten consecuencias opostas na formación
do “eu” dos nenos e das
nenas.
As nenas tenden a identificarse coa
nai e isto élles moi doado por teren
o modelo moi próximo. Mentres
que os nenos non teñen o modelo
masculino próximo, xa que
son coidados neses primeiros anos
pola nai, por mulleres, educadoras
e o pai adoita estar ausente.
O neno ten que construír a imaxe
masculina negando o modelo da
nai e isto supón un conflito e unha
dificultade.
A identidade masculina fórmase
a través da separación, así os homes,
posteriormente na súa vida e
dun xeito inconsciente, senten que
a súa identidade corre perigo de