VIOLENCIA Y SANIDAD DIXITAL.indd - Concellería de Igualdade

274
No tocante á muller (unha actriz
que interpreta o rol feminino) o xénero
establece que debe mostrar
certa debilidade na aparencia e
volubilidade no carácter; comedimento
na forma de actuar e unha
actitude tenra e doce; en ocasións,
e segundo sexa o contorno ou a
situación, mostrar unha actitude
submisa e pasiva, especialmente
na sexualidade. Emotividade, dependencia
e “infantilismo” ligados
á suposta necesidade de protección.
O neno farase home aprendendo
a aguantar, a loitar, a competir, a
reprimir as emocións e moitos impulsos
ligados á feminidade como
a dozura, o gusto polo fogar, etc.
e a nena farase muller aprendendo
a poñerse no lugar do outro, a limitar
as súas ambicións, a ceder, a
coidar, a escoitar...
Esta polari¬dade actúa como un
corsé limitador, que mesmo afecta
a saúde, pois produce a negación
das potencialidades humanas en
función dos patróns sociais masculino
e feminino impostos culturalmente.