VIOLENCIA Y SANIDAD DIXITAL.indd - Concellería de Igualdade

O xénero é o modo de ser e de
comportarse que cada sociedade
establece para cada sexo. Na
nosa sociedade recoñecemos dous
sexos biolóxi¬cos: macho e femia
e dous xéneros sociais: feminino e
mascu¬lino.
O xénero é probablemente o aspecto
da identidade que temos
máis fondamente interiorizado. Ten
que ver coas crenzas culturais -familiares
e sociais- que definen a
masculinidade e a feminidade.
Están aí mesmo antes do noso nacemento
coas expectativas e os
signos externos cos que rodeamos
os bebés (os monecos, a cor da
roupa, a decoración, os contos...).
As expectativas familiares e do contorno,
de como seremos e sobre o
que faremos na vida de sermos nenas
ou nenos son diferentes.
Nenas e nenos aprenden os seus
papeis case sen se decatar, de
modo que semellan naturais e propiamente
derivados das diferenzas
biolóxicas.
O feminino e o masculino son construcións
socioculturais que afectan
tamén aos desexos e sentimentos.
A identidade feminina e a masculina
impregna todos os demais papeis
sociais en todos os escenarios:
familia, traballo, rúa ...
Na nosa sociedade establécese que
un home (un actor que interpreta o
papel masculino) debe mostrar confianza
en si, dominio, capacidade
de tomar decisións, de perseguir e
acadar o éxito, de manifestar certa
agresi¬vidade... en xeral coincidiremos
en que ser viril implica ser
forte, duro, activo, seguro, audaz,
indepen¬dente, racional, etc.
DO MAL TRATO AO BO TRATO
273