VIOLENCIA Y SANIDAD DIXITAL.indd - Concellería de Igualdade

266
O obxectivo é comprobar que hai
unha continuidade da natureza á
cultura. Non hai salto como moitas
veces tendemos a pensar e daquela
chegamos a confundir o natural co
aprendido a través da socialización.
Muller-home e natureza-cultura
A antropóloga Sherry Ortner en 1974
tratou de explicar a superioridade
masculina en todas as culturas.
Dado que a gran diversidade entre
as culturas non resistía explicacións
simplemente biolóxicas, apuntou
que todas tiñan en común que relacionaban
ás mulleres coa natureza.
Existe unha asociación universal
entre muller e natureza por unha
banda, e home e cultura por outra.
A muller é asimilada ao natural
pola función reprodutora e pola
menstruación, e os homes son
identificados co cultural.
Esta identificación aséntase na interpretación
de que as mulleres
reproducen a especie mentres que
os homes crean a través da tecnoloxía,
dos símbolos e da cultura.
Nun momento da evolución cultural
das sociedades occidentais
chégase a considerar que a cultura
é superior á natureza.
Os homes sempre intentaron dominar
a natureza e disto podería
derivarse a consideración de que o
propiamente humano é o cultural.
Segundo esta autora, a construción
do xénero deriva tamén desta
posición.