VIOLENCIA Y SANIDAD DIXITAL.indd - Concellería de Igualdade

252
postos. Pero a reforma do Código
Civil recoñecendo a separación e
o divorcio (1981), e conseguintemente,
estruturando os dereitos e
deberes dos cónxuxes nun sentido
igualitario, será probablemente a
reforma de maior calado na concepción
da vida cotiá.
Nesta nova legalidade cando un
delito se cometeu, existe porque se
comete non porque un particular
o denuncie, e o Ministerio Fiscal,
como acusador público e defensor
da legalidade vixente, ten que levar
a cabo a indagación dos feitos e as
súas probas, ocupándose da instrución
preparatoria do xuízo que terá
lugar diante do xuíz, aínda que non
exista acusación privada, aínda que
non haxa unha vítima individual
prexudicada que os denuncie ou
esixa unha reparación: por exemplo
o asasinato dunha indixente.
Tamén se proclama o principio de
presunción de inocencia polo que
ninguén será condenado por unha
mera acusación se non se proba a
súa culpabilidade. E esta é unha
pedra angular irrenunciable, ata o
punto de que o sistema prefire que
haxa un culpable na rúa, porque
non puido probarse suficientemente
a súa culpabilidade como para
impoñerlle unha sentenza condenatoria
–“absolución provisional
por falta de probas”- antes de que
puidese condenarse a unha inocente
por unha mera sospeita de
que podería resultar culpable, existindo
unha dúbida razoable. Isto é
importante telo en conta para entender
a abordaxe da penalización
da violencia contra a muller e a
súa persecución.
En 1983, no primeiro Goberno Socialista,
créase o Instituto da Muller,
e desde 1984 sucédense as campañas
contra os malos tratos no seo do