VIOLENCIA Y SANIDAD DIXITAL.indd - Concellería de Igualdade

Na Lei do contrato de traballo
(1944) a muller casada poderá
traballar se ten autorización do seu
marido, e será válido o pagamento
feito á muller casada da remuneración
do seu traballo se non consta
a oposición do seu marido (art.
58), hai múltiples limitacións, que
aparentemente están feitas para
protexer a súa condición de futura
nai, e a súa honra no que fai a oficios,
horarios, etc., e singularmente,
regúlase a “dote” que é unha
indemnización que dará o empresario
á muller que cesa na súa empresa
para contraer matrimonio,
que é unha nova facilidade para a
súa volta ao fogar, regreso que se
facía forzoso cando se traballaba
para unha empresa estatal como
RENFE, Telefónica, CAMPSA etc.
en cuxas regulamentacións internas
se recollía a excedencia forzosa
por razón de matrimonio. A dote
laboral estivo vixente ata 1976.
En realidade é a partir da aprobación
da Constitución de 1978 cando
se promulga a igualdade legal
entre home e muller –art. 14- agás
para reinar.
A partir desa data vai aparecendo
a nova legalidade: derrogándose
corpos legais totais ou parciais que
se van substituíndo por outros de
novo cuño. Desaparecen os delitos
“contra a honestidade” do novo
Código Penal e vénse substituídos
polos delitos “contra a liberdade
sexual” nos que as vítimas poden
ser home e mulleres, e as formas
de comisión amplíanse no sentido
de que non só son aquelas que
puidesen ter un efecto en reprodución
bastarda –violación como
penetración vaxinal-, e as penas
redúcense sendo inferiores á do
homicidio porque a vida é o ben
supremo. Desaparece o adulterio,
despenalízase o aborto nalgúns su-
DESVELAR A VIOLENCIA
251