VIOLENCIA Y SANIDAD DIXITAL.indd - Concellería de Igualdade

250
pode ter transcendencia na posible
descendencia- ten unha pena similar
ao homicidio e regúlase como
delito contra a honestidade.
A pílula aparece en 1964 no horizonte
do posible cientificamente,
pero a súa venda é clandestina,
disfrázase no noso país como un
medicamento indicado para “o
repouso do ovario por indicación
médica”, e os desarranxos ováricos
acabaron sendo unha epidemia
entre as mulleres emparelladas e
en idade fértil…, polo que en 1978
a venda de anticonceptivos saíu do
C. Penal.
No código Civil a maioría de idade
dos 21 anos atrásase no caso
da muller desafiante. “As fillas de
familia maiores de idade, pero
menores de 25 anos non poderán
deixar a casa do pai ou da nai en
cuxa compañía vivían máis que
con licenza dos mesmos, agás cando
sexa para contraer matrimonio
ou para ingresar nun Instituto aprobado
pola Igrexa…” Esta situación
mantívose ata 1972.
E se a diferenza é por ser muller,
cando ademais é casada, o estado
civil a infantiliza aínda máis, e
deválalle certos dereitos porque
a muller debe obediencia ao seu
marido, debe seguilo aínda cando
cambie de domicilio, el é o seu representante
legal, non pode contratar
por si mesma –abrir unha
conta corrente bancaria ou adquirir
unha pasaxe son contratacións-
e nin sequera administrar os bens
que recibise por herdanza, etc. A
partir de 1958 houbo a primeira
reforma sobre a administración de
bens na sociedade conxugal, pero
hai que esperar a 1975 para que
desapareza a licenza marital, e o
deber de obediencia.