VIOLENCIA Y SANIDAD DIXITAL.indd - Concellería de Igualdade

230
Empezarei por explicarlle de que
trata todo o asunto. Verá, vostede,
como moitos outros naceu sendo
un home e como tal debe aterse a
certas regras e normas de conduta,
a certo modo de vida, a certo xeito
de relacionarse, etc. Coa intención
de se converter nun membro
útil da nosa sociedade, vivindo comodamente
nela e axudándonos a
mantela. Espero que non me haxa
malinterpretado. Isto non é unha
negociación e vostede agradeceránolo.
Nós estamos en todas partes.
Déixeme exemplificarlle isto á
vez que lle conto como será a súa
vida:
Vostede, nun principio, será educado
polos seus pais, os cales ao
ser educados no noso mundo,
educaranlle como nós queremos
que o fagan. Poida que non conscientemente
pero o farán. No caso
de que non lle sexan transmitidas
todas as mensaxes ou no caso da
ausencia dos pais, non se preocupe,
temos outros métodos. Pronto
se afeccionará á televisión e descubrirá
o útil e efectiva que é á hora
de educar, pois poida que chegue
a pasar tanto ou máis tempo con
ela que cos seus pais. Poida que
vexa ao seu pai tendo que someter
á forza á súa nai, un acto que todo
home que se prece debería facer se
a súa parella se nega a someterse
a todo o que o home decide. Asegúrolle
que isto quedará gravado
en vostede e esta visión rexurdirá
anos despois.
Cando lle toque ir á escola e tratar
cos seus compañeiros, debe
trazar unha liña divisoria entre os
mozos e as mozas. Vostede debe
estar en grupos de mozos, xogar a
xogos de mozos, defendelos como
os mellores e desprezar os outros
xogos. Confiamos en vostede pois