VIOLENCIA Y SANIDAD DIXITAL.indd - Concellería de Igualdade

220
A saúde das mulleres estudouse e
valorouse só como saúde reprodutiva,
e este enfoque impediu abordar
a saúde das mulleres desde
unha perspectiva integral.
Tamén a gran especialización a
que se viu sometida a medicina
nos últimos trinta anos, en aras da
eficacia, torou o corpo dos pacientes,
e en especial os femininos porque
son os que demandan máis
atención dos servizos sanitarios
ambulatorios e non precisan hospitalización.
Existe aínda un gran descoñecemento,
por falta de investigación
e de información, das doenzas
que padecen as mulleres, das súas
causas e da maneira de previlas.
De feito, a formación médica non
remarcara que podía haber diferenzas
no modo de enfermar de
mulleres e homes, que os métodos
de diagnosticar puidesen ser diferentes,
ou que as terapias e os fármacos
tivesen diferentes xeitos de
actuar entre mulleres e homes.
A formación do médico ou a médica
de primaria ou de hospital non
foi enfocada para as patoloxías
máis prevalentes entre o sexo feminino,
nin tampouco dispón (porque
non existe) unha ciencia sistematizada
para apreciar a diferente expresión
da sintomatoloxía dalgunhas
doenzas segundo o sexo das
persoas.
En definitiva, falta desenvolver a
ciencia e facer visible a “morbilidade
feminina diferencial”, para
erradicar a cultura do sufrimento
que intenta agochar a ignorancia
científica das causas do malestar
e a sintomatoloxía, predicando ás
mulleres a resignación e a submisión
a un suposto destino fatal que