VIOLENCIA Y SANIDAD DIXITAL.indd - Concellería de Igualdade

Sabías que...?
No século XIII as mulleres quedan
excluídas do que hoxe entendemos
por praxe da medicina malia que a
“obstetricia” seguía a ser exercida
por mulleres. Esa exclusión rematou
por converterse en persecución
a través da Inquisición que condenaba
como “bruxas” a moitas
mulleres que simplemente eran curandeiras
ao servizo da poboación
campesiña. En 1527, Paracelso, considerado
o pai da medicina moderna,
confesaba que “todo o que sabía
aprenderao das bruxas”. 6
6. Ehrenreich, Bárbara & English Deirdre (1988): Brujas, comadronas
y enfermeras. Barcelona, La sal.
Un testemuño
“Boca de cartón”
Cando decidimos que o mellor
era ligar as trompas estaba segura
do que ía facer. Tiñamos xa dous
fillos, este sería o terceiro, e unha
relación monógama. Foron meses
de pensalo, todo o embarazo. Un
pouco planeaba a idea de que me
correspondía a min posto que a que
se quedaría embarazada sería eu.
Ademais a el dáballe cousa incluso
ir ao dentista ou que lle sacaran
sangue, mentres que eu son unha
persoa forte e me consideraba capaz
de pasar perfectamente por
iso. Non son nada hipocondríaca
e aprendín que non hai que darlle
máis importancia ás cousas que a
que teñen, así que contaba con suficiente
valor para pasar polo quirófano
inmediatamente despois do
parto.
DESVELAR A VIOLENCIA
217