VIOLENCIA Y SANIDAD DIXITAL.indd - Concellería de Igualdade

O sociólogo francés Pierre Bourdieu
fala dunha serie de actitudes,
comportamentos, linguaxes, disposicións...
que os individuos van adquirindo
e interiorizando sutilmente
ao longo da súa vida. De tal xeito
que non temos posibilidade de
cuestionalos.
A violencia simbólica mantense
na medida en que non se percibe
como violencia, non se recoñece
como violencia, e, polo tanto, non
se condena e non se erradica dos
comportamentos como algo punible.
Actúa facéndonos ver que esa orde
social é algo bo, que o que se espera
de nós é que a aceptemos. Incluso
pode chegar a facernos sentir
culpables se pretendemos cambiar
as cousas. Neste caso estaríamos a
falar dunha subversión.
O que o veo non deixa ver
O veo que levan as musulmás é
unha imposición da cultura patriarcal,
aceptado e defendido por
moitas mulleres que non ven nel
un símbolo de control, unha marca
que se exerce exclusivamente sobre
elas.
Hai que buscar o significado que
hai detrás do veo, pois non se trata
simplemente de algo que simbolice
unha crenza relixiosa. Ao taparse
co veo as mulleres cargan coa responsabilidade,
e polo tanto asumen
a culpabilidade, pola sexualidade
dos homes. Ademais, o veo
convérteas en depositarias da honra
familiar, de tal modo que se infrinxen
as normas non só se poñen
en cuestión a si mesmas, senón a
toda a familia ou o grupo.
DESVELAR A VIOLENCIA
205