VIOLENCIA Y SANIDAD DIXITAL.indd - Concellería de Igualdade

2.3] A violencia de xénero
sobre as mulleres maiores
•A Síndrome da Avoa Escrava
Abusamos das aboas? Cargalas
de responsabilidades pode provocarlles
enfermidades.
A Síndrome da Avoa Escrava é o
nome dado polo profesor Antonio
Guijarro, cardiólogo da Universidade
de Granada a “un cadro clínico
patolóxico moi frecuente, grave,
potencialmente mortal e que afecta
amas de casa en exercicio activo”.
Aínda que non existen datos
exactos, xa que as investigacións
son moi recentes, trátase, segundo
Guijarro, de “unha auténtica pandemia”
que sofren miles de mulleres
de idade avanzada con excesivas
responsabilidades familiares.
En aparencia os síntomas des-
tas mulleres son externos. Acoden
unha e outra vez ás consultas médicas
por cansazo, hipertensión,
decaemento ou tristura, pero nunca
acadan a manifestar que levan
sobre as súas costas a responsabilidade
das súas casas, a dos seus
fillos e o coidado dos seus netos.
Este exceso de traballo é o que lles
provoca un estres familiar que non
se atreven a confesar.
Elas non se refiren directamente
a esta sobrecarga, nin diante dos
médicos nin diante da súa propia
familia. Esta falta de “franqueza”
vén orixinada por unha especial
concepción da responsabilidade,
formada por unha educación baseada
na entrega á familia. Sen
embargo, os seus corpos xa non
soportan tanta tensión.
Mª Jesús Mínguez para Consumer.es
28 de xaneio de 2003
DESVELAR A VIOLENCIA
203