VIOLENCIA Y SANIDAD DIXITAL.indd - Concellería de Igualdade

200
“Trátase dun estudo sobre todo cualitativo
no que atopamos outro dato
moi alarmante, que é que gran parte
do alumnado consideran que se non
hai celos na parella, é porque realmente
non hai amor”, engade Vicente.
“E tampouco atopamos evolución
algunha nos últimos anos, nin a raíz
da aprobación da Lei Integral contra
a Violencia de Xénero”.
Os estudantes, nos talleres, son capaces
de identifi car situacións de discriminación
para as mulleres, pero
cando valoran as relacións afectivas
coa súa propia parella ou o seu grupo
de amigos, sinala o estudo, “pasan
por alto actos como que lles controlen
o móbil, a roupa, con quen deben
ou non saír, que lles berren, que
se enfaden sen motivo ou incluso os
pequenos golpes”.
Cando se lles pedía que valorasen
ao seu rapaz ou rapaza ideal, as mozas
sinalaban entre outros atributos
(guapo, listo, amable ou educado),
outro máis: “Que sexa malote”. Os
rapaces desexan que ela sexa “ninfómana”,
“que utilice roupa interior
transparente” ou “que non me poña
os cornos”. “Simpática” é o único
atributo de carácter que nomean.
Eles describen á muller “claramente
como obxecto sexual, e moi infl uída
pola pornografía”, sinala o estudo.
Outros datos que se sinalaron onte
foron: “Un 32,1 % dos rapaces e un
14,4% das mozas considera normal
que un rapaz obrigue a súa noiva a
manter relacións sexuais con el nalgunha
ocasión”.