VIOLENCIA Y SANIDAD DIXITAL.indd - Concellería de Igualdade

2.2] A violencia de xénero
sobre as mulleres novas
Moita da violencia de xénero que
se produce na mocidade está relacionada
coa sexualidade.
En relación co que se expón na
Parte 5 sobre a vivencia do amor
e a aprendizaxe da sexualidade na
mocidade analiza os datos e situacións
que se presentan nestas noticias
recollidas da prensa:
•O 80% das mozas cre que as
queren aínda que as maltraten.
Un estudo con 2.600 mozos de Madrid
revela que identifi can o amor
cos celos
El PAÍS - Sociedade - 01-12-2005
Catro de cada cinco mozas de entre
12 e 18 anos e tres de cada catro
rapaces (un 75%) da mesma
idade cren que a súa parella pode
quererlles aínda que as maltrate ou
bata nelas, segundo un informe da
Comisión para a Investigación dos
Malos Tratos a Mulleres. Esta ONG
basea os seus achados no seu traballo
nos dous últimos anos con 2.600
alumnas e alumnos de institutos da
Comunidade de Madrid. Os seus resultados
son similares a estudos previos.
“Á pregunta ‘Pode existir amor
se hai maltrato?’ ou ‘Se che pegan
quérente?’, responden que si, como
noutros estudos previos, e iso é moi
alarmante”, sinala a avogada Sara
Vicente, coordinadora da ONG. “Iso
signifi ca que entre as mulleres máis
novas non se cambia o modelo de relación
que temos”.
O informe “A violencia de xénero
entre as mulleres novas”, presentado
onte, inclúe datos achados durante 28
talleres de prevención de agresións
sexistas realizados desde 2003 en 28
institutos da Comunidade de Madrid.
DESVELAR A VIOLENCIA
199