VIOLENCIA Y SANIDAD DIXITAL.indd - Concellería de Igualdade

192
•Facer requirimentos abusivos solapados,
cuxa violencia consiste precisamente
en que por non seren pedidos
explicitamente, tampouco requiren
ser agradecidos (“de paso...”).
•Evitación da reciprocidade no
coidado. Diante da queixa e a petición
de axuda a resposta é non
dar valor aos síntomas de cansazo
apelando a que “non te sabes organizar”
ou a que eles, os homes non
saben facer o que elas lles piden.
Os micromachismos encubertos
son:
•O silencio (non só non sentirse
obrigado a falar nin dar explicacións,
recurso que só emprega
quen ten o poder).
•O aillamento (imposición de non
achegamento cando a muller quere
comunicación ou intimidade).
•Escatimar o recoñecemento á
muller como persoa, ás súas necesidades,
valores, achegas e dereitos.
Escatímase tamén o apoio e o
coidado.
•A inclusión invasora de terceiros:
amigos, TV, actividades...
•A desautorización, a descualificación
e desvalorización, a culpabilización.
•Facerse o parvo, eludir responsabilidades.
Xustificado en que el
ten cousas moi importantes que facer.
•Impericias selectivas: evitan responsabilidades
por non saber.
•Non valoración dos propios erros,
os del non teñen importancia.