VIOLENCIA Y SANIDAD DIXITAL.indd - Concellería de Igualdade

188
nai. Desde que teño uso de razón
lembro problemas na casa, pero
loxicamente non os entendía moi
ben e intentaba esquivalos. Agora
doume conta de que necesitamos
axuda. O problema é o meu pai,
vexo que sufrimos maltrato psicolóxico
desde fai moito tempo.
Neste momento a miña nai quere
separarse, pero non é fácil porque
el a ameaza e ademais non quere
marchar da casa porque di que a
casa tamén é súa. Nós, por problemas
económicos e porque temos
aos meus avós ao noso cargo,
non podemos ir para ningún lado.
Non sabemos que facer, creo que
está obsesionado coa miña nai e
iso dáme moito medo. Non a deixa
facer nada, nin ter amigos, nin saír,
nin sequera a deixa entrar en internet
por se coñece xente... son
moitas cousas e a miña nai estase
a poñer moi mal psicoloxicamente,
por como a trata e por ter unha per-
soa con ela pola que xa non sente
nada. Este mes marchou da casa,
pero acosábaa igual, ía o seu traballo,
chamábaa a todas horas, dicíalle
que se non volvía con el que
se mataba... e onte, en contra da
miña nai, volveu para casa.
É unha merda Mabel, a miña nai
é a persoa mais boa do mundo e
quero axudala, é o único que teño.
Ás veces eu tamén me veño abaixo,
e ademais el tamén intenta poñerme
en contra da miña nai.
QUE FAGO?
Teño MEDO a que lle poida pasar
algo, aínda que el despois de dicir
o que di arrepíntese, dá moito
medo, creo que nunca lle chegou
a pegar pero tratouna moi mal.
De verdade sinto molestar se estás
ocupada ou algo, pero non sei a quen
acudir. Moitas grazas. Un biquiño.”