VIOLENCIA Y SANIDAD DIXITAL.indd - Concellería de Igualdade

Os homes no maltrato
Os homes agresores non teñen
trazos ou comportamentos especiais
que os identifiquen. Tampouco
son enfermos mentais. Adoitan ser
persoas de valores tradicionais
para os que todo o masculino (forza,
poder, éxito, competitividade...)
está por riba do feminino (sensibilidade,
cariño, docilidade...).
Aos homes transmíteselles a idea
de que ser home é ser importante
e unha forma de demostralo é
exercendo o seu poder sobre a súa
familia ou parella. Este tipo de educación
fai que tendan a considerar
as mulleres como inferiores.
A violencia apréndese, sobre
todo, observando modelos significativos,
é dicir a pais, irmáns,
persoas próximas, etc. O neno e o
adolescente aprende a agredir e o
ve como unha forma de defender
os seus dereitos ou de solucionar
conflitos.
Moitas veces, a familia convértese
no lugar de descarga da tensión
e das frustracións que acumulan
noutros ámbitos como o laboral.
Os homes deberían aprender a expresar
os seus sentimentos negativos
e defender os seus dereitos perante
quen lles fixo sentir mal e non
esperar a desafogar a súa agresividade
ao chegar a casa.
Actuar dunha forma agresiva pon
en marcha un mecanismo de defensa
que altera as propias crenzas
do maltratador, e en lugar de
asumir que está agredindo á outra
persoa, xustifica e nega os seus actos
para manter o seu amor propio.
DESVELAR A VIOLENCIA
175