VIOLENCIA Y SANIDAD DIXITAL.indd - Concellería de Igualdade

O 84% das médicas opinan que a
mellor acción para evitar a reincidencia
é acudir aos centros de asesoramento,
mentres un 69% dos médicos
opinan que a mellor acción é a
denuncia. É dicir, as médicas teñen
máis fe no asesoramento e os médicos
na lei. (21)
•] Reflexiona sobre a obrigatoriedade
do parte de lesións
Valora, razoa e debate en grupo
sobre o que consideras que é máis
importante:
•Respectar a autonomía da muller.
•Manter o compromiso da relación
confidencial.
•Velar pola vida e a saúde das pacientes:
principio de beneficencia.
•Evitar prexuízos para a súa saúde:
principio de non maleficencia.
•Considerar a situación na que a
propia interesada pide que non se
denuncie.
•Outras situacións hipotéticas.
•Reflexionar sobre os límites éticos
e o noso compromiso coa paciente-vítima.
•A importancia de escoitar á muller.
A Dra. Pilar Blanco apunta: “Cremos
que o obxectivo prioritario é que a muller
se recupere e que se garanta a súa
seguridade, non que denuncie. Moitas
veces, nos servizos sanitarios o que se
nos pide nos últimos anos é que debemos
lograr que a muller denuncie ou
denuncialo nós. A denuncia debe ser
un dereito, non unha obriga.”
VIOLENCIA DE XÉNERO: A PRAXE CLÍNICA
125