Letras novas - Asociación de Escritores en Lingua Galega

Teresa Seara
É profesora e crítica literaria. Na actualidade elabora a súa Tese de Doutoramento
sobre a obra de Miguel Anxo Fernán Vello. Comezou o seu
labor crítico no semanario A Nosa Terra e, hoxe en día, colabora habitualmente
en diversos medios de prensa como a revista Tempos Novos e o seu
suplemento Protexta, o Anuario de Estudos Literarios Galegos, a Festa da
palabra silenciada ou Grial, ademais de no programa da TVG “Libro
Aberto”. Tamén ten publicado reseñas e artigos en Serta, Ínsula, El Cielo de
Salamanca, Liceus e El invisible anillo. En 1997 edita, en colaboración con
Luciano Rodríguez, a antoloxía Para saír do século e ten no prelo o volume
Veinte puntos de fuga (antoloxía de poetas novos galegos que sairá en
Venezuela) e Astro interior (escolma da obra poética de Miguel Anxo Fernán
Vello). Ademais colaborou no Proxecto Galicia (Hércules Edicións), así
como en dous tomos do Diccionario de literatura. Ten feito prólogos á obra
de autores como Yolanda Castaño, Marta Dacosta, Manuel Álvarez Torneiro,
Henrique Rabuñal ou Rafa Villar. Foi conferenciante e poñente en xornadas
e simposios dentro e fóra de Galicia e tamén xurado, entre outros,
dos seguintes premios de poesía: Concello de Carral, Eusebio Lorenzo
Baleirón, Johán Carballeira, Caixanova, Uxío Novoneyra e Esquío.
58