Letras novas - Asociación de Escritores en Lingua Galega

Francisco
Souto
A Coruña, 1962. Coeditor das Edicións do Dragón nas que publica os cartóns
colectivos Ao mar de adentro, A rota dos baleeiros e Dous Bocetos.
Coeditor tamén de Letras de Cal nas que publica Fado, 1998. É autor de
As árvores do incesto, premio Espiral Maior, 1994 editado en 1995 e da
peza teatral Amar non ten Laranxas, Cadernos da Escola Dramática Galega,
1994. Ten inéditos os poemários Cain e As horas de María. Crebar
cristais coa língua, Caldeirón, 2003 é até o momento a última obra publicada,
e está a piques de saír do prelo As horas de María, recente gañadora
do premio Johán Carballeira de poesía do Concello de Bueu.
En 1993 realiza xunto con Laura Quintillán e Kukas o espectáculo
pluridisciplinar América e en decembro de 2000 a montaxe Como águas
de Maio na sala Galán de Compostela, xunto a Serxio Moreira ao piano,
co que repite para o espectáculo “Aviléscanto”.
Realiza ilustracións para diversos libros Tortillas para os obreiros de
Fran Alonso, Xanela ao bío de Paco de Tano, e portadas para o libro de
Miro Villar Ausencias pretéritas e Um corpo para a infância de Celeste
Craveiro. Participa en exposicións colectivas como Botella ao mar e individualmente
a itinerante Poemas Suxos e no restaurante Mar de Ardora,
Lugar de Incéndios.
No eido teatral, participa en cursos de formación con Roberto Cordovani
e Xan Cejudo e participa como actor (voz) nos espectáculos Don Gaiferos
de Os monicreques de Kukas e Hamletmaschine de Matarile teatro.
Escribe os textos: Alugueres, Agália, 1993; Amar non ten Laranxas, Cadernos
da Escola Dramática Galega, 1994. E o inédito Fantasía animada
para cuarteto de cordas. A fins de oitenta e primeiros de noventa fai critica
teatral para A Nosa Terra. A día de hoxe ten un programa semanal de
literatura A Escrita en Radio Roncudo, única radio libre da Costa da Morte.
46