Letras novas - Asociación de Escritores en Lingua Galega

Séchu Sende
Padrón 1972.
Ten publicado o libro de poesía Odiseas, 1998, Letras de Cal e a
novela Orixe, 2004, Galaxia.
Como profesor de lingua e literatura ten rodado cos seus alumnos e
alumnas varios filmes, entre os que destacan A ghaliña de raza loba (Carral,
2002) e Papamoscas (Vila de Cruces, 2006).
Activista social da Burla Negra ou Area Negra, desde a guerrilla da
comunicación participa no movemento social en diferentes espazos de
acción.
Socio da Cooperativa Tagen Ata, Lingua e Comunicación, como sociolingüista
está a preparar un "Método de autohipnose para falar galego", así
como un "Estudo Sociolingüístico da Mocidade baixo os efectos das drogas".
Se vedes pintadas nos caixeiros automáticos ou unhas camisolas coa
lenda "Eu nunca serei yo", que saibades que é un verso seu. No campo
da moda, é cofundador da firma de roupa para bebés "Beibiceibe".
A súa última obra, Made in Galiza (Galaxia, 2007), libro de relatos
rebeldes, mineralizantes e supervitaminantes.
30