Letras novas - Asociación de Escritores en Lingua Galega

Yolanda López López
Ourense, 13/04/1976. Licenciada en Filoloxía Inglesa pola USC e Técnico
Superior en Turismo, dedicouse ao ensino medio e universitario. Escribiu
a memoria de licenciatura sobre a identidade indidual e colectiva na
obra da escritora norteamericana sureña Eudora Welty. Hoxe traballa
como investigadora no Centro Ramón Piñeiro. Autora dos poemarios Verdugos
impolutos (Concello de Rábade, 2005) e Obertura sen heroe (Libros
da Frouma, Follas Novas, 2006), foi galardoada co XI premio de poesía
“Suso Vaamonde”, co segundo premio de poesía dos XIX premios literarios
Rosalía de Castro de Cornellá, co primeiro galardón do III premio de
poesía “Aurelio Aguirre” e co I Premio de poesía “Antón Tovar” (Concello
de Rairiz de Veiga). Textos da súa autoría aparecen nos libros As aforas
do soño (Casa da Gramática, 2005), Homenaxe dos poetas galegos a F.
G. Lorca contra a súa morte (Xerais, 2006), Uxío Novoneyra: A emoción
da terra (AELG, 2007), Catálogo ArtNatura de ADEGA (Concello de Santiago,
2007), Benvidas. Poetas tamiles e galegas (Galaxia, 2007) e nun
libro homenaxe a Fisterra (no prelo). Cabe citar o seu labor como tradutora
(Lefevere, Welty, Shakespeare, Sylvia Plath, Carmichael).
182