Letras novas - Asociación de Escritores en Lingua Galega

Todas caemos na trampa.
Somos patacas
con soños.
Soños de tubérculo
..........................................................
Para Sabelinha
PATACA. Tubérculo farináceo comestible do Solanum Tuberosum, planta
herbácea anual da familia das solanáceas, oriúnda de América e cultivada
hoxe en case todo o mundo. Tamén en Galicia.
A planta adquire un desenvolvemento de sesenta a noventa centímetros de
altura, con talos de pólas, follas desiguais e profundamente partidas, flores
brancas ou moradas en corimbos (*) terminais e grosos tubérculos
redondeados, carnosos, moi feculentos, que son os estremos avultados de
talos subterráneos lisos e sen folla, que non deben confundirse coas raíces
propiamente ditas, que son finas e fibrosas. Boa metáfora.
(*) O corimbo é un tipo de inflorescencia na que as flores nacen a diferentes
alturas, pero alcanzan o mesmo nivel.
As variedades cultivadas son numerosísimas (máis de 1.300). Na súa
determinación inflúen a forma, tamaño e cor dos tubérculos, máis cá consistencia
do talo e o ton das flores. Boa metáfora 2.
Un dos inimigos máis nocivos da pataca é o escaravello, que devora a
folla. Afincado nun principio nas Montañas Rochosas, este becho propagouse
pronto polas costas do Atlántico. Tanto a larva coma o escaravello
adulto aliméntanse das follas da planta e causan grandes estragos. Boa
metáfora 3.
................................................
Nunha banqueta da cociña
Aparecen
171