Letras novas - Asociación de Escritores en Lingua Galega

lle. É preciso, pois, reformularse moitas preguntas, axustarse á linguaxe e
aos tempos. Porque se a cuestión é dicir “xa non quero ser máis morta nos
teus brazos“, ou explicar e denunciar unha situación que medra como un
lume que todo o esnaquiza, nestas Polifonías temos unha boa mostra de
como facelo.
De certo é necesario falarlle ao outro por medio das accións do día
a día e das palabras, empregando as ferramentas que amamos e coas
que cada un/unha de nós traballa. Deste xeito, Elas fixérono por medio
da canción, da danza e da escrita. Uníronse para esixiren que desaparezan
da terra as rosas de sangue, e en cada un dos pétalos deste libro
escribiron frases con verbos concretos que negan o esquecemento: “destecer
a vergoña ”, “berrar aos catro ventos cada nome”, preguntar “onde
estabas cando te necesitei?”, non precisar que “a casa reclame unha protección
oficial”, dicir “Sóltame“, diferenciar o amor da “voz que todo o
cala”, sentirse “libre entre as bolboretas”, saber dunha vez “se estás ou
non OK“, desgravar da “memoria o número de chanzos que baixan a
rúa”, “pensar e comezar a mirar aos aros da contorsionista”, ir “tirando
caretas ao longo da vida”, deixar atrás a “Fuga”, que da boca non se
escoite “Un ano xa pasou e nada muda”, nunca máis sentirse “madalenas
da paixón“… Quizais só daquela, cando o escrito sexa unha realidade
palpable, as mans comezarán a ser unicamente mans coas que se expresar
sen ter que pedir constantemente a palabra, e non apéndices que
anuncien ameaza, “veloces e crueis armas”.
13
Infoxove número 1, maio de 2006