Letras novas - Asociación de Escritores en Lingua Galega

Xiana Arias Rego
Naceu na Fonsagrada en maio de 1983. No seu documento de identidade
figura que se chama Xia (co acento no “a”) porque lle deu a gana a
un cura. Na casa non lle dixeron nada disto ata os 13 anos. Cando ela
precisou o documento antes citado soubo que ao seu nome lle comeran
dúas letras. Licenciouse en xornalismo pola Universidade de Santiago e
traballa na Radio Galega, no Diario Cultural. Alí chámanlle Xia Arias (con
acento no “i”). Espiral Maior vén de publicar o seu primeiro poemario
Ortigas, gañador do XIX Premio Nacional de Poesía Xosé María Pérez
Parallé. Pódense atopar máis textos da súa autoría na revista Xistral do
concello de Lugo e no Pirata (compartir non é delito), artefacto en apoio
ao Cineclube de Compostela. Xiana Arias Rego quere que conste que este
texto que aquí asina non ten dereitos de autora: fagan vostedes con el o
que lles praza.
131