Letras novas - Asociación de Escritores en Lingua Galega

Ledicia Costas Álvarez
Nacín en Vigo, no 1979. En narrativa teño publicada en Edicións Xerais de
Galicia a novela Unha estrela no vento e o relato “Negrita” que está incluído
no volume colectivo Narradoras. Como poeta colaborei en revistas como
Dorna, no volume colectivo Isto é un poema e hai xente detrás que acaba
de editar Espiral Maior cos premiados e finalistas do certame GzCrea, e no
volume colectivo que publicará proximamente a Universidade de Vigo cos
premiados no Certame de Poesía da Universidade de Vigo. Tamén no eido
poético codirixín a instalación Ut pictura poesis, na Igrexa da Universidade
de Santiago, exposición que combinaba artes plásticas e poesía.
Traballei no mundo do guión cinematográfico e do audiovisual participando
no proceso creativo de diversos documentais e dirixindo e protagonizando
a curtametraxe poética: A miña vida é unha caixa de zapatos.
Actualmente estou rematando Dereito Económico, labor que compaxino
coa participación en diversos recitais e coa creación literaria.
118