Letras novas - Asociación de Escritores en Lingua Galega

Mario Regueira
Ferrol, 1979. Licenciado en Filoloxía Galega pola Universidade de Santiago
de Compostela, actualmente cursa estudos de doutoramento en Teoría
da Literatura e Literatura Comparada, alén de rematar, no seu tempo
libre, a Licenciatura de Dereito.
No 2004 publica en Xerais o volume de relatos Rebelión no Inverno.
Un ano despois gaña o Premio Nacional de Poesía Xosemaría Pérez Parallé,
para autores inéditos no xénero, co libro Tanxerina, que sería publicado
en 2006 por Espiral Maior. En 2007 está previsto o lanzamento pola
editorial Xerais de L’Affiche Rouge, a súa primeira novela.
Ten participado en diversas publicacións como A Caramuxa, Citania,
Dorna ou Nova Ólisbos, así como en distintos proxectos de creación na
rede. A finais de 2006 participa no especial monográfico da revista
luxemburguesa Abril, dedicado á Literatura Galega. É membro do proxecto
editorial alternativo e autoxestionado Estaleiro Editora.
Ten publicado reseñas como crítico na revista Grial e é colaborador
habitual do “Cartafol de Libros” de Vieiros e da revista galega de música
Sonotone.
115