Nº 13 - Xunta de Galicia

protagonistas ocultas da historia.Destes grupos é
de onde procede basicamente o noso alumnado,
xa que no noso concello vive principalmente
xente traballadora.
Pensamos que as exposicións nos axudarían a
lograr dous obxectivos fundamentais:
1- Transmitir ao alumnado que o pasado non é
algo que está só nos libros, é algo moito máis
achegado e presente que se pode recrear nun
espazo e nun tempo. E os libros, moitas veces,
non son máis que o final dunha longa viaxe, dun
longo traballo de reflexión e sintetización.
Os rapaces e rapazas buscarían obxectos, fotos,
documentos e incluso recollerían narracións
sobre algún tema proposto do pasado recente
na súa casa, nas dos seus avós, veciños.... Nós
organizaríamos eses materiais que se presentarían
como un estudo dunha etapa, dunha actividade
concreta (económica, social…). Ao cabo
dun tempo a exposición sería desmontada e o
material aportado devolto.
Coa presentación en público destes materiais buscamos
que o alumnado implicado outorgue
outro sentido a algo que na súa casa non pasa
de ser "vello" e sen gran valor, e que a través da
análise contextualizada perciba que serve,
que é valioso, que na súa casa ou entorno hai
obxectos de importancia.
2- Ser un punto de encontro permitindo que diante
dun expositor, dun panel ou dunha vitrina se
atopen e comenten sobre un tema alleo aos
30
habituais nunha comunidade deste tipo, unha
avoa e un traballador da administración, un
profesor e unha señora da limpeza, un alumno e
unha bedel. Para lograr isto se necesitaría o fornecemento
de materiais por parte de todos. E
aínda que as primeiras veces non o fixemos,
decatámonos que era preciso atopármonos
nun día. Así decidimos que había que facer
unha inauguración e, se era posible, facer dese
momento unha festa.
Despois de nove cursos realizando exposicións e
participando activamente nestes traballos coidamos
que chegara o momento de pararnos a
pensar un pouco e de analizarmos o traballo
realizado ao longo destes anos.
Así que decidimos solicitar ao CEFORE un seminario
permanente para ter un marco de reflexión e
así tamén contar coa axuda e asesoramento
deste centro.
Os seis compoñentes deste seminario participamos
nos traballos que levaron a realización das
exposicións, e somos todos entusiastas defensores
deste sistema para conseguir os obxectivos
propostos. Aínda que por suposto non somos os
únicos, pois se algo caracteriza a actividade da
que falamos é a necesidade dunha ampla
colaboración, dunha gran participación.
O seminario está formado por unha profesora de
Pedagoxía Terapéutica, un profesor de Ciencias
Naturais, unha profesora de Lingua Inglesa e tres
profesoras de Ciencias Sociais, Xeografía e
Historia, o que vén demostrar que estes traballos
non son cousa exclusiva dun departamento,
aínda que todas as exposicións teñen en común
o estudo dalgún aspecto do pasado.
O que segue é un breve resumo das exposicións
realizadas ao longo do tempo. A partir de aquí
o traballo do seminario centrarémolo na reflexión
sobre como se organiza unha exposición
exemplificándoa coa realizada o curso pasado
2005-2006: "A vida cotiá no tardofranquismo
(1960-1975)". Por iso, este traballo aínda que
breve, é un adianto do que, esperamos, teñamos
rematado dentro duns meses.
Exposicións realizadas
CUBA: 1889-1958
Curso: 97-98. Data: Abril 98
Organización. Dep. CC. SS. Xª e Historia
Partindo da idea de que neste curso os medios de
comunicación dedicarían moito espazo a reflexionar
sobre as relacións entre España e Cuba
pola conmemoración do centenario da inde-
IDEA 2007