Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
4
CusTos dE XEsTIón E ModElos dE FInAnCIAMEnTo En GAlICIA
4.1. Custos de xestIón.
4.1.1. aspectos xerais.
“A análise dos custos da xestión dos residuos non tivo un fondo desenvolvemento en Europa e os
datos dispoñíbeis continúan a seren insuficientes. As municipalidades rara vez desenvolveron unha
contabilidade específica para analizar os orzamentos na súa previsión dos servizos a dar na xestión
dos residuos. E aínda por riba, as taxas ou os prezos estabelecidos non necesariamente cobren os
custos completos”. Isto é o que se manifesta no libro “Municipal Waste in Europe”, da Asociación de
Cidades e Rexións para a Xestión do Reciclado e Xestión Sostíbel de Recursos.
O interese sobre esta cuestión devén cada día maior, tanto polo peso que ten nos orzamentos municipais
como polo incremento das cantidades xestionadas e da complexidade da xestión. Pero tamén
porque constitúe a base para o cálculo dos prezos e taxas a utilizar nas diferentes políticas a
seguir para incentivar ou desincentivar determinadas actitudes e comportamentos; sen esquecer o
protagonismo, cada día maior, do principio da responsabilidade ampliada do produtor sobre o seu
produto e consecuentemente a necesidade de ter un coñecemento apropiado para poder negociar
os pagos que lles corresponden. Por último un adecuado coñecemento dos custos permite unha
axeitada toma de decisións para poder xestionar os procesos tanto eficaz como eficientemente e
mesmo decidir sobre a conveniencia de facer a xestión a través de sistemas privados ou de xestión
pública directa.
Tradicionalmente, e aos efectos prácticos, considerábanse e aínda considéranse na maioría dos concellos
como custos da xestión dos residuos municipais os pagos feitos ás concesionarias da recollida
(ou no seu caso ós traballadores municipais que traballan neste servizo), así como os feitos para o
funcionamento das instalacións de tratamento quer propias, quer municipais, ou das comunidades
autónomas ou terceiros.
A estes custos algúns municipios engaden os custos dos empregados do municipio vencellados directamente
coa xestión dos residuos, aínda que rara vez son tidos en conta na fixación das taxas (cando
estas existen ou pretenden cubrir o custo completo). A inclusión dos edificios destinados a aloxar os
servizos case que nunca se fai. Sen embargo é máis frecuente que todos estes custos sexan tidos en
conta cando se crea ben un consorcio, unha mancomunidade ou un organismo ou ben unha empresa
pública (de natureza mixta ou non) para levar a cabo dita xestión.
Outra situación que, polo menos en España, se deu dabondo foi a de non considerar de forma efectiva
as amortizacións dos investimentos feitos en equipos e instalacións na parte correspondente as
achegas de fondos europeas ou estatais. Este é un erro con graves consecuencias tanto para a xustificación
das taxas como para a negociación con terceiros obrigados a pagar polos servizos de xestión.
xestión de residuos urbanos nos concellos do Eixo atlántico
99