Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
táboa 3: Datos de evaporación potencial.
Zona anual Inverno Primavera (mm) Verán outono
(mm)
(mm)
(mm)
(mm)
Galicia 712 77 276 289 70
A Coruña 752 92 292 302 74
Lugo 699 82 272 287 73
Ourense 667 75 259 279 54
Pontevedra 742 90 288 301 65
Fonte: Méteo Galicia
Como resumo podemos dicir que existe unha importante variación climática como consecuencia da
influenza mariña e do relevo, pero se pode falar dun clima suave en xeral e con presenza en determinadas
áreas do clima mediterráneo, ademais do clima atlántico.
Aos efectos deste traballo o clima é unha variábel a considerarmos na xestión do lixo tanto pola súa
influenza na xeración de residuos como na súa xestión.
1.2.1.2. Relevo.
O relevo galego presenta, como características principais, amplas superficies a diferentes alturas así
como a incisión das diferentes correntes de auga. Os vales fluviais, dan lugar a unha morfoloxía na
que se combinan chairas con áreas de fortes pendentes, as bocarribeiras.
A pendente media é moi acusada, con zonas nas que se supera o 20 % e que non son adecuadas para
o cultivo. Trátase principalmente das zonas montañosas como a Serra de Queixa, O Xurés, as Serras
Centrais e de serras de extensión menor como O Xistral, A Capelada e outras próximas á costa no
Barbanza, Outes, Muros e outras.
A rede fluvial é unha parte consubstancial ao espazo xeográfico galego, cun gran número de correntes
de auga, que poden producir na combinación entre os seus propios efectos e a tectónica, a diversidade
litolóxica e o grao de pendente, unha pluralidade de vertentes diferenciadas na súa dinámica.
As principais características da rede fluvial galega son as seguintes: fragmentación do litoral, curtos
recorridos dos cursos, elevado caudal, intensa relación coa fracturación tectónica, gran variabilidade
dos diferentes ríos no seu percorrido e unha gran pluralidade de bacías.
Detallando un pouco máis, podemos distinguir a Galicia interior e a Galicia costeira. A primeira podémola
dividir na zona montañosa oriental (Ancares, Courel, Segundeira, Queixa, San Mamede) con
alturas superiores aos 2.000 metros, a dorsal galega que vai do norte ao sur, con alturas maiores de
700 metros, e que separa a zona interior da costeira e, por derradeira, as zonas comprendidas entre
ambas Galicias, con chairas e depresións, tales como Terra Chá, os vales do Miño e Sil, no primeiro
caso, e bisbarras como as das Pontes, Sarria, Chantada, Lemos, Quiroga, Maceda, A Limia ou Verín, no
segundo. Na zona costeira hai dúas áreas diferenciadas: a zona de transición entre a dorsal galega e
o litoral e é unha zona de relevo suave con alturas entre 250 e 500 metros, e a zona litoral que inclúe
a Mariña Lucense, as Mariñas Coruñesas e as Rías Baixas
O relevo ten unha grande incidencia no transporte dos residuos, tanto desde o punto de vista das necesidades
de equipamento, como dos custos. En Galicia, en particular na Galicia interior, a combinación
do trazado das estradas de montaña, particularmente sinuosas, aínda que mellorasen moito nos
últimos anos, coas fortes pendentes fan que as distancias se midan en tempo e non en quilómetros
o que da unha idea da súa incidencia económica.
xestión de residuos urbanos nos concellos do Eixo atlántico
9