Xestion de residuos urbanos.pdf - Axencia de Ecoloxía Urbana do ...

52
Polo tanto os fluxos dos residuos e o seu tratamento son os que corresponden a cada un dos modelos
mencionados, xa descritos anteriormente. Recóllense selectivamente os envases lixeiros, o papel
cartón, os envases de vidro e o resto (que inclúe materia orgánica e resto dos materiais que non van
nosoutros contedores ou non van ao punto limpo) no caso do modelo Sogama, e a materia orgánica
por unha banda e o resto por outra, ademais do papel e vidro, no caso da Coruña.
En ámbolos dous casos :
– Os voluminosos e os aparellos eléctricos e electrónicos ora van os puntos limpos ben son
recollidos por un servizo especial do municipio, ora, no caso dos aparellos eléctrico e electrónicos,
son recollidos polos seus vendedores cando venden un novo equipo. As baterías
son recollidas en puntos especiais.
– Os residuos dos medicamentos e seus envases son recollidos nas farmacias (Puntos Sigre).
Non hai que lembrar o lector que a maioría das veces o lixo bótase a eito e xa que logo moitos dos
residuos que terían que ir nun determinado fluxo (ou nunha determinada fracción dun fluxo) van
noutro. Como veremos a continuación na maior parte dos casos soamente unha fracción pequena
dos diferentes fluxos é realmente recollida selectivamente.
2.4.2. Cantidades xeradas.
O total do residuo xerado (sen considerar os da construción e demolición, pneumáticos, vehículos
fora de uso, aceites usados, animais, medicinas e outros) nas vilas do Eixo Atlántico é de 560.111 toneladas
que supón un 45.13% do total xerado en Galicia cunha porcentaxe de poboación do 43,21%,
sobre o total de Galicia.
Na seguinte táboa temos os datos de das cantidades recollidas polos servizos municipais, a través dos
contedores nas rúas, polo tanto excluíndo as recollidas de voluminosos, baterías, téxtiles, residuo
electrodomésticos, ademais dos non considerados anteriormente (sempre, claro,que foran botados
correctamente).
táboa 23: TMs residuos recollidas nos concellos do Eixo.
Estudos desenvolvemento sostible
ConCello total recollido
A Coruña 121.484,91
Barco de Valdeorras (O) 5.022,22
Carballiño (O) 6.143,54
Carballo 11.157,19
Ferrol 31.760,41
Lalín 7.894,88
Lugo 43.869,30
Monforte de Lemos 7.673,38
Ourense 43.783,12
Pontevedra 34.376,68
Ribeira 13.195,87
Santiago de Compostela 50.237,53
Sarria 5.815,03
Verín 4.785,85
Vigo 138.584,66
Vilagarcía de Arousa 17.922,79
Viveiro 7.856,66
total 551.564,02
Fonte: Elaboración propia datos de varias procedencias.