Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
O centro de Nostián ten unha planta de biometanización e unha planta de clasificación e selección
de materiais reciclables cunha capacidade de tratamento conxunta dunhas 220.000 Tm.
O centro de Barbanza ten unha planta de compostaxe e unha planta de clasificación de reciclables
cunha capacidade de entrada conxunta dunhas 30.000 Tm.
A estes centros hai que engadir a planta de tratamento dos residuos de liña branca construída en
Cerceda cunha capacidade de 25.000 uds /ano/quenda, a planta de clasificación e selección de envases
de medicamentos que os recibe de toda España e planta de tratamento de vidro, que ten unha
capacidade de tratamento de 40.000 Tm/ano
Como resultado dos investimentos realizados, tanto de natureza pública (os fondos europeas representaron
a maior porcentaxe) como privada, e previstos no Plan do ano 1998, a porcentaxe dos residuos
enviados a vertedoiro pasou de case un 100% a un 48,37% en vertedoiros de RSU e un 12,34% o
vertedoiro de cinzas e o vertedoiro de escouras. En media en España o residuo enviado ao vertedoiro
foi o 56,9% do tratado, e noutros países Europeos o envío a vertedoiro foi o seguinte: Holanda o
1,1%, Austria o 3,2%, Alemaña o 0,5%, Bélxica o 5,1%, Suecia o 2,9%, Francia o 35,5%, Dinamarca o
4,4 %, Italia o 49,2% e Irlanda un 60,0%.
A cantidade enviada a vertedoiro, en Galicia, continua a ser elevada e moi superior da dos países do
Europa do norte. No futuro deberá diminuír para acadar o 25% de máximo previsto no novo Plan de
Xestión de Residuos Urbanos de Galicia (en trámite de aprobación), como veremos posteriormente.
O enviado a valorización enerxética en Galicia é do 42,42% que podemos comparalo cos países do
norte de Europa nos que a valorización enerxética varía entre o 54% de Dinamarca e o 27,1% de
Austria, sendo moita menor nos países do Sur, salvo Francia (35,5%). En España a porcentaxe de
valorización enerxética é de 9,2%.
Con respecto a porcentaxe de residuo con tratamento final de compostaxe e outro tipo de reciclaxe,
varía entre un 69,7% de Austria e un 41,6% de Dinamarca. Nos países do sur de Europa, estas porcentaxes
están o redor do 35% e en España é do 33,9%.
Rematemos este relatorio coa descrición doutra das acción previstas no Plan do 98 para acabar cos
danos ambientais que a inadecuada explotación dos vertedoiros estaba a producir. Procedeuse o
peche, selado e rexeneración de 197 vertedoiros aos que hai que sumar o de Vigo e o de Bens (A
Coruña); estas dúas últimas accións financiadas polo goberno central.
Cara o futuro e tendo en conta a situación nos países do norte de Europa así como a evolución da
lexislación é claro que hai moito que mellorar, tanto na prevención da xeración de residuos, como no
eido da recollida selectiva e da reciclaxe, en particular na calidade da primeira, a través da concienciación
dos cidadáns pero tamén das administracións.
2.4. sItuaCIón nos ConCellos GaleGos PertenCentes ao eIxo atlÁntICo
Neste apartado expoñeremos a situación dos municipios galegos pertencentes ao Eixo Atlántico no
referente aos modelos de xestión que están a utilizar, as infraestruturas empregadas e a propia xeración
de residuos, e o resultado da xestión, en calidade e cantidade.
2.4.1. Modelos de xestión: recollida e tratamento.
Dos dezasete municipios galegos que forman parte do Eixo Atlántico, dezaseis están a seguir o sistema
de recollida e tratamento que denominamos como Sogama, e soamente un municipio, o da
Coruña, xestiona seus residuos urbanos de acordo co modelo de residuo mínimo.
xestión de residuos urbanos nos concellos do Eixo atlántico
51