Xestion de residuos urbanos.pdf - Axencia de Ecoloxía Urbana do ...

48
Polo tanto unha gran cantidade de impropios (material non solicitado en dita fracción) pode ser o
resultado de carencias nun ou máis destes factores.
En xeral pódese dicir que as cantidades de impropios nas fraccións de vidro e papel cartón non son
moi altas e rara vez chegan ao 5 % do peso das cantidades recollidas.
No caso dos envases lixeiros (contedor ou bolsa amarela), a situación é diferente xa que en Galicia
a porcentaxe de impropios é dun 32 % (no ano 2009) cunha distribución, segundo as vilas das que
procede a recollida, que amosa unha elevada dispersión. A media de impropios desta fracción, no
conxunto de España é de 22,3 % sen considerar Madrid (que ten unas especiais características de
recollida que desvirtúan este dato). Se se considerase Madrid, os impropios da recollida selectiva en
Galicia estarían na media española.
A calidade da fracción orgánica recollida tampouco é boa xa que os impropios varían entre o 28,19%
en Nostián e o 34,91% en Barbanza do peso das cantidades recollidas.
Un dos problemas nos sistemas tipo orgánico-inorgánico xurde no feito de que a fracción resto contén
unha porcentaxe moi importante de materia orgánica (e tamén doutros residuos que tiñan que ser
recollidos por outras vías ou botados nos puntos limpos) que se debería recoller coa fracción orgánica.
Isto pódese comprobar no seguinte gráfico que amosa as porcentaxes de materiais que teñen recollidas
específicas e que van no contedor resto nos diferentes sistemas de recollida (as porcentaxes son
en peso).
Gráfico 18: Caracterización contedor resto.
Fonte: Elaboración propia a partir datos Ecoembes (2009).
A porcentaxe de orgánica contida na fracción resto é moi elevada, nos casos de Nostián e Barbanza xa
que en Sogama é nesta fracción onde lle corresponde ir, así como tamén é moi elevada a porcentaxe
do papel cartón tanto impreso como en envases en todos os sistemas.
Estudos desenvolvemento sostible