Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
ferralleiros tradicionais, que non son quen de garantir a extracción dos gases do efecto invernadoiro
así como doutros gases contaminantes, e o seu adecuado tratamento posteriormente.
Segundo á información dos sistemas integrados de xestión de aparellos eléctricos e electrónicos a
reciclaxe total no ano 2008 ascendeu a 296.842 toneladas (España).
Tras a elaboración dos datos do Instituto Galego de Estatística estimase a produción destes residuos,
en Galicia, nunhas 23.925 Ton. Como no caso anterior non todos eles son recollidos neste fluxo.
2.3.2.4. Rebos de obras menores de construción e domiciliarias.
Nun principio o proceso de xestión iniciaríase co depósito nun punto limpo destes residuos, sendo
levados desde alí a unha planta de tratamento dos rebos da construción e demolición. Nesta instalación
sepáranse os materiais reciclábeis tales como metais e o resto depositaríase nun vertedoiro de
inertes.
Este tipo de residuos están definidos como aqueles de escasa entidade construtiva e económica e
que no supoñan unha alteración do volume do uso das instalación e servizos de uso común ou do
número de vivendas e locais, nin afecten o deseño exterior, a cimentación, estrutura ou condicións
de habitabilidade ou seguridade dos edificios ou instalación de toda clase.
2.3.2.5. Resto dos residuos domiciliarios ou similares.
Nesta categoría temos os residuos, salvo as baterías, que constitúen os que deberían ser depositados
nos contedores e iglús situados nas rúas.
Dependendo das fraccións deste grupo que sexan recollidas selectivamente, temos os diferentes
modelos de recollida.
En Galicia, na actualidade, temos dous modelos de recollida que están estreitamente relacionados
cos sistemas de tratamento existentes.
O primeiro é o modelo de recollida previsto no Plan de 1998, que podería denominarse “Modelo
Sogama” e outro é o modelo utilizado pola Mancomunidade do Barbanza e polo Consorcio das Mariñas
e máis o concello da Coruña, que aquí denominaremos modelo “Orgánico-Inorgánico”, segundo
nomenclatura utilizada por algúns autores.
– Modelo Sogama: Neste modelo recóllense selectivamente algunha ou todas das seguintes
fraccións:
o Papel e Cartón: Envases de papel o de cartón e tamén todo tipo de papel. Normalmente
deposítanse nun contedor de cor azul.
o Vidro: Soamente envases de vidro de calquera cor. Normalmente deposítanse nun
contedor de cor verde.
o Envases Lixeiros: Envase metálicos, envases de plástico y envases bric. Normalmente
nun contedor de cor amarelo.
o Resto dos Residuos: inclúen o resto de residuos, salvo as baterías.
o Baterías: normalmente recóllense en lugares tales como comercios, escolas, centros
públicos
xestión de residuos urbanos nos concellos do Eixo atlántico
45