Xestion de residuos urbanos.pdf - Axencia de Ecoloxía Urbana do ...

44
Na planta de selección e clasificación de medicamentos situada en Cerceda (A Coruña) realízase a
separación dos materiais de envasado que poden ser reciclados (papel e cartón, plástico, vidro) para
a súa entrega a empresas de reciclaxe autorizadas que as incorporarán como materias primas nos
procesos de fabricación de novos produtos.
Así mesmo, procédese a clasificar os restos de medicamentos segundo a súa tipoloxía e composición,
de xeito que poidan ser entregados a xestores de residuos autorizados para o seu tratamento de acordo
coa normativa vixente. A maior parte destes residuos son valorizados con recuperación enerxética.
Este sistema de recollida selectiva iniciouse en Galicia no ano 2001 cunha proba piloto na provincia
de Ourense e a partir de 2002 firmouse o convenio coa Xunta de Galicia e desde entón está a funcionar
de forma continuada.
As farmacias asociadas, onde se poden botar os residuos dos envases de medicamentos e os medicamentos
caducados, mostran o seguinte símbolo:
2.3.2.2. Mobiliario e outros trastes voluminosos.
A recollida dos residuos voluminosos faise por dúas vías: a primeira consiste na recollida polos servizos
dos concellos ben previa petición o ben baixando os trastes a rúa nas datas prefixadas polos
servizos dos concellos. A segunda consiste en que o cidadán leve os trastes até un punto limpo.
Unha vez feita a recollida, o material pode ser reciclado (taboleiros de aglomerado) ou valorizado
enerxeticamente.
En Galicia existe unha planta para tratamento dos residuos voluminosos en Cerceda (A Coruña), como
resultado do previsto no Plan de Residuos Urbanos do 1998; aínda que unha parte dos voluminosos
trátanse nela, a maioría deles seguen os canles doutros recuperadores que os levan ás fábricas do
sector madeireiro.
2.3.2.3. Aparellos eléctricos e electrónicos.
A recollida dos aparellos eléctrico e electrónicos faise por tres vías:
– Recollida, como no caso dos voluminosos, polo concello.
– Recollida no punto limpo unha vez que sexa levado polo cidadán.
– Recollida polo vendedor dun novo aparello e envío a un centro de tratamento.
A porcentaxe dos aparellos eléctricos e electrónicos que teñen a consideración de voluminosos foi no
ano 2007 o 73 % dos postos no mercado (Elaboración propia a partir datos MITYC).
Unha vez recollido selectivamente o aparello é enviado a planta de valorización onde se extraen os
compoñentes perigosos e posteriormente os materiais reciclábeis son enviados ao reciclador (plásticos,
metais). Os refugallos son levados o vertedoiro ou á valorización enerxética.
En Galicia na mesma planta de valorización dos voluminosos trátanse os eléctricos e se almacenan os
electrónicos para o seu tratamento noutras instalación, fóra de Galicia. Naturalmente non todos os
aparellos eléctricos lévanse a esta instalación xa que poden ser levados a outras fóra da comunidade,
por cuestión de prezo. Así mesmo pola falta de control, moitos destes aparellos son tratados polos
Estudos desenvolvemento sostible