Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
Podemos tomar estes datos como unha base de partida para o análise que faremos a continuación,
aínda que cómpre manter as debidas cautelas sobre a bondade dos datos. Xa sabemos que unha das
maiores carencias (coñecemento compartido coas administracións como se verá máis tarde) é a falta
dunha adecuada estatística sobre a xeración e tratamento dos residuos.
Co fin de continuar coa determinación da situación de xestión dos residuos procedemos a descrición
dos fluxos de residuos urbanos existentes e a súa situación actual de xestión, para o que os desagregaremos
en cinco fluxos, facendo despois algunhas consideracións sobre a realidade da súa xestión
e, se cadra, das fraccións nos que estes últimos se poden descompoñer.
2.3.1. Fluxos considerados.
Entre os principais fluxos considerados temos:
1 - Residuos de medicamentos caducados e envases de medicamentos.
2 - Moblaxe e outros trastes voluminosos
3 - Aparellos eléctricos e electrónicos
4 - Rebos de obras menores.
5 - Resto dos residuos domiciliarios ou similares
5.1 - Envases lixeiros: de metal, brics, e de plástico.
5.2 - Materia orgánica.
5.3 - Vidro
5.4 - Papel e cartón: incluíndo envases, prensa e todo tipo deste material.
5.5 - Outros residuos reciclábeis de metal e plástico.
5.6 - Baterías
5.7 - Resto de residuos non incluídos nas categorías anteriores.
Dentro destes fluxos non están considerados os vehículos fora de uso, os pneumáticos e os aceites
dos vehículos que teñen uns canles de recollida e tratamento moi específicos e que poucas veces se
mesturan coa recollida municipal.
Pola outra banda, nos cinco fluxos descritos, aínda que en teoría teñen seus propios canles de recollida,
mestúranse decote materiais que non lles corresponden, cousa aínda habitual cos residuos dos
medicamentos, baterías, rebos de obras menores e pequenos aparellos eléctricos e electrónicos, que
adoitan ser botados nalgunha das fraccións de residuos reflectidas do fluxo nomeado Nº5.
2.3.2. Xestión dos diferentes fluxos.
2.3.2.1. Residuos de medicamentos caducados e envases de medicamentos.
Estes residuos son separados nos fogares polos cidadáns e levados ás farmacias. Alí son depositadas
nun pequeno contedor ou bolsa preparada con esa finalidade (Punto Sigre). Unha vez que o cidadán
deposita os envases e restos de medicamentos no Punto SIGRE a distribución farmacéutica (COFAGA)
recólleos (proceso de loxística inversa) e almacénaos en contedores estancos situados nas súas instalacións,
desde onde un transportista autorizado os traslada até a Planta de Selección e Clasificación
de Medicamentos.
xestión de residuos urbanos nos concellos do Eixo atlántico
43