Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
Ao mesmo tempo planificouse o desenvolvemento dun programa de rexeneración daqueles espazos
degradados como resultado da explotación inadecuada dos vertedoiros (máis de 200 vertedoiros
oficiais e máis de mil puntos de vertido incontrolado, de maior ou menor extensión).
O total do investimento previsto foi de 49.378 millóns de pesetas (IVE excluído), preto de 300 millóns
de euros.
O Plan pretendía tamén fomentar o desenvolvemento de Consorcios e Mancomunidades co fin de
acadar sinerxías que melloraran a eficiencia económica da recollida. Pódese dicir que nesta acción o
éxito foi escaso.
O Plan facía da Sociedade Galega de Medio Ambiente o instrumento para o tratamento dos residuos,
misión esta que a Lei de Residuos de Galicia 10/2008 confirmou.
Para aquelas Entidades Locais que preferiran pór en marcha os seus propios sistemas de tratamento
o Plan estabelecía o seguinte: “... poden poñer en marcha outros sistemas, sempre que sexan compatíbeis
cos principios estabelecidos no presente Plan de Xestión de RSU de Galicia ...”, e se definía
o procedemento a seguir polos municipios no caso de que quixesen aplicar un plan propio entre os
períodos de revisión do Plan de RSU de Galicia.
Por último o Plan prevía a súa propia revisión pasados catro anos desde a súa elaboración, fixándose
criterios adicionais que poderían motivar a súa revisión en períodos de tempo inferiores.
Nestes momentos hai xa redactado un novo Plan de Xestión dos Residuos Sólidos Urbanos de Galicia
que está previsto que sexa aprobado no mes de novembro de 2010, despois da súa tramitación pública.
Esta será a primeira revisión aprobada do Plan de 1998.
Co fin de obter unha visión da situación da recollida e tratamento de residuos en Galicia na actualidade,
no próximo apartado ofrécense os resultados da aplicación do Plan do ano 1998.
2.3. Fluxos xestIonados: desCrICIón xeral
Comezaremos por determinar, de acordo cos datos existentes, os grandes números de produción de
residuos en Galicia.
As cantidades producidas de residuos urbanos, segundo os datos do Instituto Galego de Estatística
(IGE), no ano 2007 foi de 1.404.915 toneladas, incluíndo residuos como vehículos fora de uso, da
construción (totais), pneumáticos, etc , grupo que non imos considerar neste estudo e que se restamos
do total, déixanos con 1.293.875 toneladas. Estes datos poden ser unha primeira aproximación
a realidade.
Se consideramos os datos do Plan de Xestión de Residuos Urbanos de Galicia 2010-2020, que está
en fase de tramitación para su aprobación no momento de escribir este traballo, a cantidade xerada
dos devanditos residuos, elaborada a partir das levadas as instalacións para o seu tratamento, foi
de 1.241.148 toneladas o que supón unha diferenza non moi elevada (3,41 %). No seguinte gráfico
amósanse as diferenzas entre as estatísticas do IGE e as do novo Plan. Como se pode observar existe
un proceso de converxencia dos datos o que indica unha aproximación das definicións utilizadas ou/e
unha maior fiabilidade dos datos subministrados polos enquisados.
xestión de residuos urbanos nos concellos do Eixo atlántico
41