Xestion de residuos urbanos.pdf - Axencia de Ecoloxía Urbana do ...

desenvolvemento sostible vol.1
- as infraestruturas contempladas nos plans de residuos son de interese público aos efectos
da lei 10/95 de ordenación do territorio de Galicia.
Co relación ao exposto até agora hai que dicir que, a diferenza do plan estatal que ten que resultar
da integración dos plans autonómicos, no plan autonómico non hai que integrar os plans municipais,
senón que estes se deben adaptar aos autonómicos, sempre que sexan respectadas as competencias
municipais, segundo a nosa interpretación da lei.
Ademais estes plans autonómicos poden afectar á redacción dos plans urbanísticos dos concellos, tal
como se recolle nos artigos da lei.
No marco da planificación das entidades locais o máis salientábel con respecto a lexislación estatal é:
- Deberá respectar as directrices dos Plans autonómicos e o seu contido deberá ser o mesmo
que o dos plans autonómicos, no marco do seu ámbito xeográfico.
- A Xunta determinará se debe someterse a avaliación estratéxica ou non.
- Deberá revisarse no prazo previsto no plan ou ben cando teña que se adaptar á normativa
ou ás directrices do plan autonómico.
Por último a lei prevé os recursos económicos para o financiamento do plan: recóllense como tales,
no seu artigo 29, os seguintes:
- As taxas e os prezos públicos das administración locais e autonómica.
- Os prezos privados das empresas legalmente autorizadas para intervir na xestión dos residuos.
- Subvencións.
- Outros tributos.
Sobre este aspecto dedícase un capítulo posteriormente polo que non faremos máis comentarios aquí.
2.2. PrÁCtICa real do Modelo CoMPetenCIal.
Neste apartado analizamos a situación actual na xestión dos residuos como resultado da aplicación
das competencias das administracións desde finais do pasado século.
No ano 1992 o Consello da Xunta de Galicia aprobou o Proxecto de Xestión de Residuos Sólidos Urbanos
de Galicia, elaborado pola Consellería de Ordenación del Territorio e Obras Públicas, no que se
analizaba a problemática dos RSU e se deseñaba un Plan para resolvela.
Nesas datas tanto a recollida como a eliminación dos residuos eran feitas polos concellos, ben de
forma individualizada ben a través de figuras asociativas e co apoio das deputacións e da consellería
competente. Subvencións en diñeiro ou ben compra de contedores e camións eran as axudas habituais
aos concellos.
A recollida era maioritariamente dunha única fracción, que contía os residuos sólidos urbanos. Nalgunhas
vilas complementábase cunha recollida a domicilio de refugallos voluminosos e tamén comezaba
a recollida selectiva de papel cartón e vidro.
O tratamento dos residuos reducíase á eliminación en vertedoiro, salvo as pequenas cantidades de
papel cartón e vidro que se levaban a reciclar e algún intento de facer compostaxe nos municipios
próximos a Narón (A Coruña), fracasados pola mala calidade do produto obtido.
xestión de residuos urbanos nos concellos do Eixo atlántico
39