Xestion de residuos urbanos.pdf - Axencia de Ecoloxía Urbana do ...

38
No caso das deputacións as competencias son as seguintes:
– Adoptarán as medidas oportunas para asegurar a colaboración precisa aos municipios na
prestación do servizo de recollida e xestión dos residuos urbanos, incluíndoos como de
carácter preferente nos plans de obras e servizos.
– Poderán contribuír economicamente na elaboración dos plans comarcais e locais de xestión
de residuos, nos termos previstos na lexislación.
Por último a lei presenta como instrumento á Sociedade Galega de Medio Ambiente (Sogama) e
define a súas funcións no artigo 10 da lei. Como función máis importante ten a xestión dos residuos
sólidos urbanos a partir do seu depósito nas estacións de transferencia ou plantas de tratamento,
previstas no Plan de xestión de residuos urbanos.
Cómpre dicir aquí que, na nosa opinión, cando a lei fala das plantas de tratamento previstas no Plan
refírese ás plantas de propiedade da Xunta ou de Sogama, aínda que todas as infraestruturas se deberían
contemplar no Plan.
Outro aspecto relevante desta lei é a declaración dos principios que regularán as actuacións das administración
públicas. Desde o punto de vista deste traballo, o máis salientábel é o contido dos apartados
b), c), d), e), i), onde se fala dos obxectivos de redución, recollida selectiva e valorización, coa
búsquea do máximo aproveitamento dos recursos que incorporan os residuos. Tamén define a necesidade
de promover as infraestruturas necesarias para a xestión dos residuos producidos en Galicia.
Neste senso insístese nos artigos 13 e 14 na necesidade de facer unha recollida selectiva de todos
aqueles compoñentes susceptíbeis de seren reutilizados ou reciclados, así como na separación, previa
a outros tratamentos, daqueles compoñentes que sen seren recollidos selectivamente puideran
ser obxecto de reciclado ou recuperación. No artigo 14 dise que todo residuo potencialmente valorizábel,
deberá ser destinado o devandito fin.
Previamente á aplicación destes artigos, pensamos que é necesario facer unha análise do ciclo de
vida das alternativas a aplicar a un territorio concreto, polas consecuencias ambientais e económicas
negativas ás que puidese conducir unha interpretación maximalista. E non soamente hai que facer o
estudo senón que tamén hai que considerar a situación actual da xestión de residuos e a posibilidade
real de avanzar neste camiño.
2.1.2.4. Planificación da Xestión dos Residuos.
A lei no seus artigos 18 a 23 regula a planificación da xestión dos residuos. Os aspectos máis salientábeis
con relación a lei estatal son tratados a continuación.
No marco da planificación autonómica ao que ai que engadir a lei galega con respecto a lei estatal,
temos:
- a consideración, a efectos da coordinación administrativa, dun procedemento de integración,
no seu caso, das entidades locais no plan.
- incorporación ao plan das directrices básicas ás que haberán de axeitarse as entidades
locais na elaboración dos seus plans.
- os Plans serán de obrigado cumprimento para as Administracións públicas e particulares
e constitúen un límite vinculante dos plans e de calquera instrumento de plan urbanístico,
que deberán adaptarse ás determinacións dos plans de residuos.
Estudos desenvolvemento sostible